Nayib Bukele, forseti El Salvador, vill að landið taki upp Bitcoin sem lögeyri. BBC greinir frá. Í dag er Bandaríkjadalur lögeyrir landsins en mikill hluti þjóðarinnar býr í Bandaríkjunum ólöglega og sendir pening heim til fjölskyldunnar.

Aðeins 30% af íbúum landsins eiga bankareikning eða kreditkort og því nota flestir seðla í daglegum amstri. Þá eru margar verslanir sem taka við Bitcoin sem greiðslu og um 500 einstaklingar sem nota einungis Bitcoin til að versla.

So, who’s moving to El Salvador? 👀 #Bitcoin https://t.co/yXjZr29Fk8

— Ledger (@Ledger) June 7, 2021

Bukele er mikill aðdáandi rafmyntarinnar og hefur birt þó nokkrar færslur um hana. Hann telur að með því að taka upp rafmyntina sem lögeyri þá geti hann stórbætt efnahagslíf landsins sem er alls ekki það besta í heiminum.

#Bitcoin has a market cap of $680 billion dollars.

If 1% of it is invested in El Salvador, that would increase our GDP by 25%.

On the other side, #Bitcoin will have 10 million potential new users and the fastest growing way to transfer 6 billion dollars a year in remittances.

— Nayib Bukele 🇸🇻 (@nayibbukele) June 6, 2021

Verðið á Bitcoin hefur verið á mikilli niðurleið seinustu daga en seinasta mánuðinn hefur virðið lækkað um 56%. Rafmyntamarkaðurinn í heild sinni hefur dregist saman og flestar helstu rafmyntir heims eru allar verðminni en fyrir mánuði síðan.

Það er mikið sem hefur gengið á í rafmyntaheiminum seinustu daga en nýjasta fallið má mögulega rekja til þess að tölvuþrjótar brutust inn í kerfi hjá ríkinu og lokuðu Colonial eldsneytislínunni. Þrjótarnir vildu fá lausnargjald í formi Bitcoin og urðu stjórnvöld við ósk þeirra. Þá á bandaríska leyniþjónustan að hafa náð að ræna myntinni til baka og við það hrundi verið myntarinnar. Vísir greindi frá þessu.