fbpx
Laugardagur 04.apríl 2020
Fréttir

Lektorinn Kristján Gunnar í meðferð í Bandaríkjunum – Heldur hann lektorsstöðunni?

Ágúst Borgþór Sverrisson
Þriðjudaginn 25. febrúar 2020 17:00

Kristján Gunnar.

Ekki missa af Helstu tíðindum dagsins í pósthólfið þitt

Lesa nánar

Þann 9. janúar síðastliðinn flaug Kristján Gunnar Valdimarsson, lektor við Háskóla Íslands, frá Keflavíkurflugvelli til New York. Samkvæmt áreiðanlegum heimildum DV fór Kristján til Bandaríkjanna til að leita sér lækinga við fíkn sinni. Óljóst er hins vegar á hvaða stofnun hann lagðist inn né hvort meðferðinni er lokið. Á vefsvæði félagsvísindasviðs Háskóla Íslands er Kristján Gunnar enn skráður starfsmaður, en hann er lektor í hlutastarfi. Samkvæmt heimildum innan úr háskólanum hefur Kristján hins vegar ekki sinnt kennslu við skólann frá því snemma í haust en hann var látinn hætta kennslu vegna óreglu. Hins vegar hefur hann ekki verið sviptur starfstitli sínum.

DV greindi fyrst fjölmiðla frá langvarandi ófremdarástandi á heimili Kristjáns Gunnars við Aragötu, á háskólasvæðinu í Reykjavík. Þar kom fram að unglingapartý þar sem neytt var fíkniefna væru tíð á heimili lekstorsins og heimildir voru fyrir því að hann hefði boðið stúlkun fíkniefni gegn kynlífi. Þá kom fram að stúlka hefði verið flutt af heimili hans eftir ofneyslu efna og að sjálfur hefði hann verð frelsissviptur á heimili sínu.

Sjá einnig: Lektor með unglingapartí í Vesturbænum

Kristján Gunnar var síðan handtekinn á jóladag og sat í gæsluvarðhaldi til 29. desember, grunaður um kynferðisbrot og frelsissviptingu. Í kjölfarið komu fram ásakanir um meint kynferðisbrot lektorsins. Ekki var hins vegar krafist áframhaldandi gæsluvarðsúrskurðar yfir honum og eins og fyrr segir hélt hann af landi brott þann 9. janúar og var því augljóslega ekki í farbanni.

Þann 30. desember birti DV viðtal við Guðrúnu Kamillu sem hafnaði því að Kristján Gunnar hefði gerst sekur um kynferðisbrot. Sagði hún harðsvírað fólk misnota sér ástand hans en hann væri fárveikur fíkill.

Félagsvísindasvið tjáir sig ekki um mál rektorsins

Sem fyrr segir er Kristján Gunnar enn skráður lektor hjá félagsvísindasviði. Ekki fengust svör við því þar í gær hvort hann héldi stöðu sinni. Var vísað á skrifstofu rektors en þar er ekki frekari fréttir að hafa um mál lektorsins í bili.

Svo virðist sem mál Kristjáns séu í biðstöðu í háskólanum á meðan meðferð hans stendur. Hins vegar liggur ekki fyrir hvort henni sé lokið né hve lengi hún stendur.

Mál Kristjáns Gunnar eru enn til rannsóknar hjá lögreglu en engar nýjar upplýsingar er að hafa um stöðu rannsóknarinnar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Margrét Gnarr sýnir hvernig er hægt að æfa með ferðatösku

Margrét Gnarr sýnir hvernig er hægt að æfa með ferðatösku
Fréttir
Í gær

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“
Fréttir
Fyrir 3 dögum

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring
Fréttir
Fyrir 3 dögum

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“