Svona hefst frétt sem birtist í kínverska fjölmiðlinum Macau News Agency í dag. Fjölmiðillinn var fyrsti sjálfstæði netfjölmiðillinn á sjálfstjórnarsvæðinu Makaó í Kína.
Í þessari frétt Macau News Agency sem um ræðir er fjallað um undirskriftalistann sem afhentur var þingmönnum í gær. Þá segir í fréttinni að Katrín Jakobsdóttir forsætisráðherra muni koma með mál Nýju stjórnarskráarinnar á þing í næsta mánuði. Einnig segir þó að ólíklegt sé að tillagan verði samþykkt samkvæmt sérfræðingum.
Nýja stjórnarskráin hefur verið mikið í umræðunni upp á síðkastið, ekki síst vegna undirskriftarsöfnunarinnar sem kláraðist í vikunni. Í gær var undirskriftalistinn afhentur þingmönnum en um 41 þúsund Íslendingar skrifuðu undir kröfuna sem hljóðar svona:
„Við krefjumst þess að Alþingi virði niðurstöðu þjóðaratkvæðagreiðslunnar 20. október 2012 og lögfesti nýju stjórnarskrána. Í kosningunni samþykktu yfir 2/3 hlutar kjósenda að tillögurnar sem kosið var um skyldu verða grundvöllur nýrrar stjórnarskrár. Tillögurnar eru heildstæður samfélagssáttmáli, það er ekki Alþingis að velja og hafna ákvæðum úr sáttmálanum. Þjóðin er stjórnarskrárgjafinn og setur valdhöfum mörk en ekki öfugt. Við ætlum ekki að bíða í heilan áratug eftir að nýja stjórnarskráin taki gildi og því krefjumst við aðgerða strax! “