„Frænka mín (16) var í heimapartýi hjá jafnöldru sinni um daginn sem réð dyravörð fyrir kvöldið,“ segir Inga og bætir við að framhaldsskólaárin hennar hafi verið öðruvísi. „Það mest edgy sem ég gerði á framhaldsskólaárum mínum var sennilega þegar ég smyglaði bragðaref frá Vesturbæjarís í bíó.“
„Sorrý að eyðileggja hrifninguna, en er það sniðugt að 16 ára gamlir krakkar telji sig ekki geta haldið öruggt partý og sèu svo hrædd um að þau missi stjórn á aðstæðum og inn komi fólk sem ekki var boðið? Veit um mörg unglingapartý sem hafa farið úr böndunum m slæmum afleiðingum,“ segir Rósa Björk Brynjólfsdóttir, þingkona Vinstri grænna, við tíst Ingu.
„Persónulega finnst mér mjög skrítið að það sé dyravörður í framhaldsskólapartýi,“ segir Inga þá. „Var ekki að lýsa yfir hrifningu heldur bara undrun. Í fyrsta lagi yfir því að telja sig þurfa það og annars vegar því það er dýrt að ráða dyravörð fyrir kvöldið.“
Hrafnkell nokkur segir þá að honum finnist þetta áhugavert. „Á okkar yngri árum vissi svona stærri vinahópurinn um partýið, en núna vita kannski 25 þúsund unglingar af því á 5 mínútum. Annað: Er þetta af öryggisástæðum eða töffaraskap? Svona 2007 unglinga limó stemmari? Myndu þau halda partý hrædd?“
Þá er það haft á orði hvað unglingar í dag séu orðnir ábyrgir og klárir auk þess sem fólk segir þetta vera þrælsniðugt. „Mér finnst þetta algjör snilld. Myndi halda að þetta ætti að vera staðalbúnaður í unglingapartí.“