Tveir greindust með CO­VID-19 hér á landi síðast­liðinn sólar­hring. Það er heldur lítið, en samt fjölgun ef miðað er við seinustu tvo daga. Þetta kemur fram á covid.is

281 sýni voru greind í gær, þar af voru 199 á sýkla- og veiru­fræði­deild Land­spítalans og 182 hjá Ís­lenskri erfða­greiningu. Bæði smitin sem greindust í gær voru hjá eiru­fræði­deild Land­spítalans.

Orð Þór­ólfs Guðna­sonar, sóttvarnarlæknis vöktu mikla athygli í gær, þegar hann talaði um að einum kafla stríðsins væri lokið.

„Það má kannski segja að nú sé einum kafla lokið í stríðinu við CO­VID hér, en stríðið er nokkrir kaflar. Við erum ekki enn komin í land. Nýr kafli sem nú tekur við felst í því að koma í veg fyrir að far­aldurinn blossi upp aftur.“