Ökumaður sem ók utan í vegrið á Grindavíkurvegi í vikunni kvaðst hafa dottað undir stýri og því farið sem fór. Hann leitaði til læknis eftir óhappið og reyndist tognaður og marinn víða á líkamanum.
Þetta kemur fram í tilkynningu frá Lögreglustjóranum á Suðurnesjum, Þar segir einnig frá bíræfnum dósaþjófum:
„Lögreglan á Suðurnesjum hafði í vikunni upp á tveimur einstaklingum sem voru staðnir að því að stela dósum úr bílakerru í Njarðvík nýverið. Höfðu þeir notað barnakerru til að ferja dósirnar og farið nokkrar ferðir. Þegar þeir fundust voru þeir að gramsa í ruslatunnum. Skömmu síðar barst tilkynning um grunsamlegar mannaferðir og reyndust þar á ferðinni sömu menn, farnir að gramsa aftur í ruslatunnum. Lögreglumenn veittu þeim tiltal og var þeim gert að láta af þessari hegðun sinni. Virtust þeir skilja það.“