Erlendur ferðamaður, sem var farþegi í bifreið sem lenti í hörðum árekstri á Borgarfjarðarbraut í gær, hefur verið úrskurðaður látinn. Þetta kemur fram í uppfærðri tilkynningu lögreglunnar á Vesturlandi vegna slyssins.
Tilkynning um slysið barst neyðarlínunni rétt fyrir klukkan 11 í gærmorgun. Tvær bifreiðar rákust saman með þeim afleiðingum að tveir slösuðust alvarlega. Þrír voru í öðrum bílnum en ökumaður var einn í honum bílnum. Borgarfjarðarbraut var lokað um tíma vegna slyssins.
Í tilkynningu lögreglu kemur fram að rannsókn á tildrögum slyssins standi enn yfir.