fbpx
Mánudagur 19.ágúst 2019  |

DV - Frjáls og óháður miðill

Sandkorn

Kata fattar

Fréttir

Orkupakkaandstæðingar æfir yfir stöðufærslu: „Guðlaugur Þór er drullusokkur“

Ritstjórn DV
Miðvikudaginn 19. júní 2019 10:13

Mynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Andstæðingar þriðja orkupakkans eru æfir yfir stöðufærslu sem Guðlaugur Þór Þórðarson utanríkisráðherra birti í gær þar sem hann spyr hver tilgangur málþófs Miðflokksins hafi eiginlega verið. Guðlaugur segir að Miðflokksmenn hafi raunar fallið frá öllum kröfum á stuttum tíma. Í hópnum Orkan okkar hefur fokið í suma og segja þeir að Miðflokkurinn hafi barist nótt og dag.

„Eftir að hafa staðið í ræðupúlti Alþingis í vel á annað hundrað klukkustundir hefur Miðflokkurinn samið um að atkvæðagreiðsla um 3. orkupakkann fari fram 2. september. Miðflokkurinn hefur þar með fallið frá kröfum um málinu verði frestað fram á næsta þing, hann hefur fallið frá kröfum um að Alþingi skipi sérstakan starfshóp til að fara yfir málið að nýju og hann hefur fallist á að ljúka umræðunni á tveimur dögum. Til hvers í ósköpunum var þetta málþóf eiginlega?!,“ skrifaði Guðlaugur Þór í gær á Facebook.

Innan fyrrnefnds hóps vekur Hildur Sif Thorarensen, verkfræðingur og Miðflokkskona, athygli á færslu Guðlaugs. „Þetta er einn ómaklegasti status sem ég hef séð lengi. Guðlaugur Þór hefur göslast áfram í þessu máli á hrokanum einum saman og nú ætlar hann að enda þingið á að tala niður til þeirra þingmanna sem börðust nótt og dag fyrir því að fá orkupakkanum frestað. Þjóðin vildi fá frest. Við vildum fá tíma til að kynna okkur málið. Vertu ekki svona óforskammaður að bera ekki virðingu fyrir þjóð þinni, háttvirtur Guðlaugur Þór utanríkisráðherra! Þú ert ekkert betri en við!,“ skrifar Hildur Sif.

Óhætt er að segja að athugasemdir við þá færslu eru flestir samhljóða. „Þessi maður kann ekki að skammast sín!,“ skrifar einn maður. Hildur tjáir sig aftur í athugasemdum og segir: „Ég snöggreiddist þegar ég las þennan status GÞÞ. Hann virðist ekki átta sig á því að hroki og yfirlæti er ekki merki um vitsmuni eða réttsýna afstöðu þótt síður væri. Ég held hann viti alveg hversu rangt fyrir sér hann hefur og þess vegna lætur hann svona.“

Einn maður gengur nokkuð langt og hjólar í Guðlaug Þór. „Þegar menn reyna að fela að þeir séu búnir að drulla upp á bak og reyna að koma því yfir á aðra. Guðlaugur Þór er drullusokkur.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

5 tilefni til skrúðgöngu á Íslandi

5 tilefni til skrúðgöngu á Íslandi
Fréttir
Fyrir 2 dögum

Dóttir Þórönnu grætur af gleði: „Ég sat skjálfandi og stjörf í gærkvöldi“

Dóttir Þórönnu grætur af gleði: „Ég sat skjálfandi og stjörf í gærkvöldi“
Fréttir
Fyrir 3 dögum

Tekjublað DV kemur út á þriðjudag

Tekjublað DV kemur út á þriðjudag
Fréttir
Fyrir 3 dögum

Hjörvar tjáir sig um óvæntan brottrekstur

Hjörvar tjáir sig um óvæntan brottrekstur
Fréttir
Fyrir 3 dögum

Skúli í Subway gáttaður á Sveini Andra – „Ég bara spyr, hverjir hafa ekki lent í þessu?“

Skúli í Subway gáttaður á Sveini Andra – „Ég bara spyr, hverjir hafa ekki lent í þessu?“
Fréttir
Fyrir 3 dögum

Guðmundur Ingi kominn með ökklaband – Gagnrýnir fjölmiðla fyrir umfjöllun um afplánun utan fangelsis

Guðmundur Ingi kominn með ökklaband – Gagnrýnir fjölmiðla fyrir umfjöllun um afplánun utan fangelsis