fbpx
Laugardagur 05.desember 2020
Fréttir

Guðrún sendi son sinn í burtu á aðfangadag: „Við grétum en reyndum að vera sterk. Elsku sonur minn hvíldu í friði“

Ragna Gestsdóttir
Þriðjudaginn 18. júní 2019 22:00

Ekki missa af Helstu tíðindum dagsins í pósthólfið þitt

Lesa nánar

Guðrún Hauksdóttir Schmidt hefur vakið athygli á og barist fyrir bættum aðstæðum útigangsmanna. Málefnið er Guðrúnu kært, en sonur hennar Þorbjörn Haukur Liljarson, var einn þessara manna.

Þorbjörn lést í Gistiskýlinu á Lindargötu þann 15. október í fyrra, 46 ára að aldri, hann var útigangsmaður. DV hefur sagt frá ævi og andláti Þorbjörns, en Guðrún stofnaði minningarsjóðinn Öruggt skjól í minningu sonar síns. Hún hefur lagt sitt lóð á vogarskálarnar í baráttu fyrir bættum aðstæðum útigangsmanna og gagnrýnt andvaraleysi borgaryfirvalda hvað málefnið varðar.

Guðrún var í viðtali hjá DV í fyrra eftir andlát sonar síns og í forsíðuviðtali Vikunnar þann 6. júní síðastliðinn.

Sjá einnig: Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“

Forsíða Vikunnar.

Í Facebook-færslu sem Guðrún ritar eftir viðtalið í Vikunni spyr hún hvað geri það að verkum að útigangsfólk fær ekki þjónustu við hæfi og bendir á að fólk sem lendir í þeirri stöðu að vera heimilislaust vegna fíknar sé jafnveikt og fólk með aðra sjúkdóma, sjúkdómar verði ekki læknaðir nema taka þá föstum tökum.

„Ég sagði við son minn í haust þegar við áttum saman okkar gæðastund og síðustu tíma okkar að ég vildi leggja mitt af mörkum til handa fólkinu á götunni, fólki sem kemur úr fangelsum, meðferðum og eiga ekki í nein hús að venda. Ég stend við það,“

skrifar Guðrún, sem bauð útigangsmönnum í páskamat og vakti sá viðburður mikla athygli.

Rifjar Guðrún jafnframt upp erfitt atvik, eitt af mörgum, þegar sonur hennar bankaði upp á kl. 18 á aðfangadag með jólagjafir. Var hann ásamt vini sínum í annarlegu ástandi og vísaði Guðrún þeim í burtu.

En allir voru sammála um að þetta var rétt ákvörðun. Við vorum öll döpur allt kvöldið, allan næsta dag og margar vikurnar. Við grétum en reyndum að vera sterk.“

Segist Guðrún hugsa til sonar síns á hverjum degi og sakna hans mikið. „En lífið heldur áfram,“ segir Guðrún og bætir við að nú sé lag því með henni séu sterkir, klárir og gefandi einstaklingar til að gefa útigangsfólki rödd.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Skilafrestur og inneignanótur sem renna út á tímum Covid-lokanna

Skilafrestur og inneignanótur sem renna út á tímum Covid-lokanna
Fréttir
Í gær

Víði versnar og var sendur í rannsóknir á Landspítala

Víði versnar og var sendur í rannsóknir á Landspítala
Fréttir
Í gær

Ekki bara ferðaþjónustan sem fer illa út úr heimsfaraldrinum

Ekki bara ferðaþjónustan sem fer illa út úr heimsfaraldrinum
Fréttir
Í gær

Faldi lambahryggi undir úlpunni á leið út úr verslun – Meintir innbrotsþjófar handteknir

Faldi lambahryggi undir úlpunni á leið út úr verslun – Meintir innbrotsþjófar handteknir
Fréttir
Fyrir 2 dögum

Salmann Tamimi er látinn

Salmann Tamimi er látinn
Fréttir
Fyrir 2 dögum

Sonur Sigríðar sífellt veikur vegna mygluskemmda í Fossvogsskóla

Sonur Sigríðar sífellt veikur vegna mygluskemmda í Fossvogsskóla