fbpx
Miðvikudagur 05.ágúst 2020
Fréttir

Dularfulli rauði bíllinn í Geirfinnsmálinu: Manninum var brugðið og hann rauk burt

Ágúst Borgþór Sverrisson
Þriðjudaginn 21. maí 2019 22:00

Ekki missa af Helstu tíðindum dagsins í pósthólfið þitt

Lesa nánar

Eins og flestir vita er mikilvægustu spurningunni í Geirfinnsmálinu ósvarað: Hvað varð um Geirfinn? Þeir sem voru dæmdir sekir um morð á honum á sínum tíma hafa hins vegar verið úrskurðaðir saklausir. Málið er því óleyst. Núna hefur dómsmálaráðherra falið Höllu Bergþóru Björnsdóttur, lögreglustjóra á Norðurlandi eystra, að rannsaka ábendingar um hvarf Geirfinns, sem og hvarf Guðmundar Einarssonar, sem hvarf um svipað leyti og sömu sakborningar voru dæmdir fyrir morð á. Ber Höllu jafnframt að taka afstöðu til þess hvort hefja beri lögreglurannsókn á grundvelli nýrra ábendinga í málunum.

Ein af mörgum vísbendingum sem gufað hafa upp og gleymst í þessu máli kom fram aðeins nokkrum dögum eftir hvarf Geirfinns. Eins og gamalt skjáskot úr Tímanum hér ber með sér var lýst eftir manni sem kom á smurstöð Þórshamars á Akureyri þriðjudagskvöldið 26. nóvember 1974, eða sléttri viku eftir hvarf Geirfinns. Maðurinn var á rauðum Fíat 600, samskonar og sjá má á meðfylgjandi myndum. Aftur var fjallað um málið í Tímanum þann 11. desember og þar er rætt við Hauk Guðmundsson, rannsóknarlögreglumann. Kemur þar fram að bíllinn og ökumaður hans hafi ekki fundist.

 

Málið er rifjað upp á Facebook-síðunni Íslensk mannshvörf. Þar kemur fram að maðurinn hafi líkst hinum fræga Leirfinni, sem gerð var höggmynd af, er átti að sýna mann þann sem mælti sér mót við Geirfinn í Hafnarbúðinni í Keflavík kvöldið sem Geirfinnur hvarf. Maðurinn þótti líkjast mjög leirstyttunni. Þannig segja Íslensk mannshvörf frá þessu:

„Þann 26.11.1974 kom maður sem samsvaraði sér í klæðaburði og útliti og við hinn svokallað „Leirfinn“ á verkstæði Þórshamars á Akureyri.

Þetta var um kl 18:00 og vildi hann fá bifreið þá sem hann ók smurða í hvelli. Bifreiðin var af gerðinni Fiat 600, rauður að lit á G númeri. G bókstafurinn stóð fyrir Gullbringu og Kjósarsýslu samkvæmt gamla númerakerfinu. Maðurinn fékk þau svör að hann þyrfti að bíða í 10-15 minútur eftir þjónustu. Það vildi hann ekki.

Starfsmaður gistiheimilis á Akureyri segir svo frá að sami maður hafi einnig komið þangað á sama bíl og falast eftir gistingu en allt var uppbókað. Starfsmaður gistiheimilisinns spyr manninn þá hvaða ferðalag sé á honum og svarar hann við að hann sé á leiðinni á Raufarhöfn en bregður við eins og hann hafi misst út úr sér þessa ferðaáætlun og rýkur burt í kjölfarið.

Mikið var auglýst eftir þessum manni og bifreiðinni en án árangurs. Athuganir lögreglu á slíkum bifreiðum hér á landi skilaði heldur ekki neinu.

Athygli vekur þó að hvergi er að finna neitt í gögnum málsins sem segir hverjir þessir aðilar voru sem tilkynntu þetta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Alma ruglaðist og sagði fólki að þvo hendurnar í tuttugu mínútur – „Við getum verið viss um að þær verði mjög hreinar“

Alma ruglaðist og sagði fólki að þvo hendurnar í tuttugu mínútur – „Við getum verið viss um að þær verði mjög hreinar“
Fréttir
Í gær

„Markmiðið er jafnvel að þagga niður í þeim sem hafa „ranga“ skoðun“

„Markmiðið er jafnvel að þagga niður í þeim sem hafa „ranga“ skoðun“
Fréttir
Í gær

Íslendingur beittur harðræði og ofbeldi af spænsku lögreglunni: „Átti að handtaka mig því ég var ekki með kvittun

Íslendingur beittur harðræði og ofbeldi af spænsku lögreglunni: „Átti að handtaka mig því ég var ekki með kvittun
Fréttir
Í gær

Kári segir næstu vikuna mikilvæga: Annað hvort hjaðnar smitið eða það verður sprenging

Kári segir næstu vikuna mikilvæga: Annað hvort hjaðnar smitið eða það verður sprenging
Fréttir
Fyrir 2 dögum

Rúmlega helmingur veitinga- og skemmtistaða enn lokaðir

Rúmlega helmingur veitinga- og skemmtistaða enn lokaðir
Fréttir
Fyrir 3 dögum

Segir ólíkt Konráð að láta ekki vita af sér

Segir ólíkt Konráð að láta ekki vita af sér
Fréttir
Fyrir 3 dögum

Neyð á Seltjarnarnesi: Kona læsti sig inni á baði

Neyð á Seltjarnarnesi: Kona læsti sig inni á baði