fbpx
Föstudagur 29.maí 2020
Fréttir

Vilhjálmur orðlaus: Vörur fyrirtækisins verði sniðgengnar – „Þessi hótun er með svo miklum ólíkindum“

Ritstjórn DV
Laugardaginn 20. apríl 2019 16:01

Vilhjálmur Birgisson

Ekki missa af Helstu tíðindum dagsins í pósthólfið þitt

Lesa nánar

„Ég hef tekið þátt í kjarasamningagerð í 15 ár og á þessum 15 árum man ég aldrei eftir því að forstjóri fyrirtækis hóti í miðri kosningu um kjarasamning hækkun á öllum vörum fyrirtækisins ef kjarasamningur verði samþykktur,“ segir Vilhjálmur Birgisson, formaður Verkalýðsfélags Akraness og 1. varaforseti ASÍ.

Vilhjálmur vísar þarna til fréttar sem birtist á Vísi í dag þess efnis að ÍSAM, heildsölu- og framleiðslufyrirtæki sem á meðal annars Mylluna, Ora og Kexverksmiðjuna Frón, hafi boðað 3,9 prósenta hækkun á öllum vörum verði kjarasamningar samþykktir. Vísað var í tölvupóst Hermanns Stefánssonar, forstjóra ÍSAM, til viðskiptavina. Þá muni innfluttar vörur einnig hækka, eða um 1,9 prósent. Atkvæðagreiðsla um kjarasamninganna stendur nú yfir.

Vilhjálmur er afar óhress með þessi viðbrögð ÍSAM ef marka má færslu sem hann skrifaði á Facebook í dag.

„Þessi hótun er með svo miklum ólíkindum í ljósi þess að samningsaðilar voru sammála um að lífkjarasamningurinn myndi stuðla að verðstöðugleika og myndi leiða til lækkunar vaxta, en nú er ljóst að þetta fyrirtæki ætlar ekki að taka þátt í því að láta lífkjarasamninginn skila þeim ávinningi til launafólks eins og til stóð,“ segir Vilhjálmur sem endar færsluna á þessum orðum:

„Á þeirri forsendu er ljóst að verkalýðshreyfinginn verður að bregðast við þessari hótun með afgerandi hætti og tel ég morgunljóst að við verðum að hvetja okkar félagsmenn til að hunsa vörur frá þessu fyrirtæki ef fyrirtækið stendur við hótun sína.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Svona lítur ný auglýsingaherferð Icelandair út

Svona lítur ný auglýsingaherferð Icelandair út
Fréttir
Fyrir 2 dögum

Segir að COVID-19 prófið fyrir ferðamenn verði að vera ókeypis fyrir þá

Segir að COVID-19 prófið fyrir ferðamenn verði að vera ókeypis fyrir þá
Fréttir
Fyrir 2 dögum

Kosningabarátta Guðna á Facebook: Engir peningar í spilinu

Kosningabarátta Guðna á Facebook: Engir peningar í spilinu
Fréttir
Fyrir 2 dögum

Lyfið sem Alvogen gaf Landspítalanum ekki vænlegt

Lyfið sem Alvogen gaf Landspítalanum ekki vænlegt