Manngildi starfsmannaþjónusta ehf. var tekið til gjaldþrotaskipta með úrskurði Héraðsdóms Reykjavíkur þann 30. október síðastliðinn. Innköllun þrotabúsins birtist í Lögbirtingablaðinu í dag.
Ingimar Skúli Sævarsson, eigandi og framkvæmdastjóri Manngildis, var handtekinn í október 2018, en Manngildi var grunað um að leggja stund á skjalafals. Grunur var þá á því að starfsmenn starfsmannaleigunnar hefðu komið til Íslands á fölsuðum skilríkjum.
Ingimar rak áður starfsmannaleiguna Verkleigan sem var grunuð um umfangsmikil skattalagabrot. Verkleigan fór í þrot vorið 2018. Ingimar átti í harðvígum deilum við fyrrverandi starfsmenn Verkleigunnar, þeirra á meðal var Halla Rut Bjarnadóttir, en hún varð síðar fyrirsvarsmaður starfsmannaleigunnar Menn í Vinnu ehf. sem hefur mikið verið til umfjöllunar á árinu.
Ingimar stofnaði í kjölfarið Manngildi.
Sjá einnig: