Ungur karlmaður var handtekinn í hádeginu vegna gruns um alvarlega líkamsárás. Rannsókn málsins er á frumstigi, að sögn lögreglu.
Vísir greinir frá því að árásin hafi átt sér stað við Fjölmiðjuna í Ögurhvarfi í hádeginu. Um er að ræða vinnusetur fyrir fólk á aldrinum 18 til 24 ára til að þjálfa það fyrir vinnumarkað eða nám. Sá sem fyrir árásinni varð er nemi þar, að sögn Vísis.
Líðan þess sem fyrir árásinni varð liggur ekki fyrir.