fbpx
Mánudagur 22.júlí 2019  |

DV - Frjáls og óháður miðill

Fréttir

Hrottalegt dráp á kettlingi í Borgarnesi – Hver er þarna að verki? „Kettlingurinn var besti vinur drengsins“

Ágúst Borgþór Sverrisson
Laugardaginn 8. júní 2019 12:19

Ekki missa af Helstu tíðindum dagsins í pósthólfið þitt

Lesa nánar

Sparkað var í sjö mánaða gamlan kettling, gæludýr í eigu 12 ára drengs, í Borgarnesi á föstudag. Kettlingurinn er dauður en það er mat dýralæknis í bænum að dauði hans sé af mannavöldum og hafi hann verið drepinn með sparki. Málið vekur óhug í Borgarnesi en ekki er vitað hver hér var að verki.

DV hafði samband við Sigurkarl Gústavsson, eiganda kettlingsins, en dýrið var orðið besti vinur 12 ára sonar Sigurkarls:

„Sonur minn átti þennan kettling. Við tókum eftir einkennilegu háttalagi hjá kettlingnum í gærkvöld, þá liggur hann eins og hálfdauður hjá okkur. Ég fer með hann til dýralæknis hérna í Borgarnesi. Hún segir að hugsanlega sé fallið lunga hjá honum. Við brunum með hann suður í röntgenmyndatöku. Þar komu ekki í ljós nein beinbrot en lunga var þanið og reynt var að tappa vökva og lofti af lunganu og dýrinu gefið róandi lyf. En þá fer hann í eitthvert sturlunarástand og hafði verið að kafna meira og minna allt kvöldið. Lungað fullt af blóði. Samkvæmt dýralækninum í bænum eru allar líkur að þetta hafi verið spark.“

Að sögn Sigurkarls var kettlingurinn mjög sprækur áður en þetta gerðist, eins og kettlinga er siður:

„Það eru um tvær vikur síðan hann fór í geldingu og fékk þá fulla heilsufarsskoðun.“

Sigurkarl segir að málið sé hræðilegt og nú stendur hann frammi fyrir því verkefni að hugga son sinn sem tekur þetta eðlilega mjög nærri sér.

„Kettlingurinn var besti vinur drengsins. Drengurinn passaði upp á hann þegar ég var í vinnunni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Einelti þrífst á meðal eldri borgara á Íslandi: „Þú breytist ekki í engil við það eitt að verða aldraður“

Einelti þrífst á meðal eldri borgara á Íslandi: „Þú breytist ekki í engil við það eitt að verða aldraður“
Fréttir
Í gær

Vaknaði við að ókunnugur maður var inni í íbúðinni

Vaknaði við að ókunnugur maður var inni í íbúðinni
Fréttir
Fyrir 2 dögum

Albert borinn til grafar í dag: „Fólk er að deyja úr þessum grimma sjúkdómi“

Albert borinn til grafar í dag: „Fólk er að deyja úr þessum grimma sjúkdómi“
Fréttir
Fyrir 2 dögum

Var Leifur Eiríksson dópisti? – Leifar af kannabisplöntum fundust á Nýfundnalandi

Var Leifur Eiríksson dópisti? – Leifar af kannabisplöntum fundust á Nýfundnalandi
Fréttir
Fyrir 3 dögum

Slösuð kona á Fimmvörðuhálsi

Slösuð kona á Fimmvörðuhálsi
Fréttir
Fyrir 3 dögum

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“