fbpx
Fimmtudagur 17.júní 2021
Fréttir

WOW tapaði um 60 milljónum króna á hverjum degi

Ritstjórn DV
Mánudaginn 25. mars 2019 10:10

Ekki missa af Helstu tíðindum dagsins í pósthólfið þitt

Lesa nánar

Tap WOW air á síðasta ári, sem nemur allt að 22 milljörðum króna, jafngildir því að flugfélagið hafði að jafnaði tapað um 60 milljónum króna á hverjum degi. Það má því segja að tap á hverju hverju flugtaki hjá WOW hafi verið 1,5 til 2 milljónir króna.

Það er þó mikilvægt að geta þess að hér er ekki bara um hreint rekstrartap að ræða, því félagið þurfti að skila vélum og selja þær undir bókfærðu verði. Þannig hafa ytri aðstæður verið WOW air afar óhagstæðar í þeirri þröngu stöðu sem félagið er í. Mikil tiltekt hefur verið í rekstrinum á liðnum mánuðum og að sögn heimildamanna DV lítur félagið mun betur út en áður.

Samkvæmt sömu heimildum eru hugmyndir Skúla Mogensen forstjóra og eigenda WOW um útboð á nýju hlutafé og skuldbreytingu hjá skuldabréfaeigendum því möguleg leið út úr stöðunni. Tíminn vinnur þó alls ekki með honum, þar sem greiða þarf laun og fleira um mánaðamótin, auk þess sem flugvallagjöld eru á gjalddaga. Það er vandséð að fjárfestar séu tilbúnir til að lofa og binda sig með háar fjárhæðir inn í þennan rekstur, nema að fyrst fari fram áreiðanleikakönnun á félaginu. Slíkt tekur tíma og hann er af skornum skammti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Grunur um stórfelld undanskot í tengslum við útleigu í gegnum Airbnb

Grunur um stórfelld undanskot í tengslum við útleigu í gegnum Airbnb
Fréttir
Fyrir 2 dögum

Eigendur PT-ferða ákærðir fyrir skattsvik og peningavætti – Gjaldþrot upp á 268 milljónir

Eigendur PT-ferða ákærðir fyrir skattsvik og peningavætti – Gjaldþrot upp á 268 milljónir
Fréttir
Fyrir 2 dögum

Halldór Armand lætur lögregluna heyra það – „Einn bjór á bar í Reykjavík kostar það sama og fjórtán kexpakkar í Hagkaup“

Halldór Armand lætur lögregluna heyra það – „Einn bjór á bar í Reykjavík kostar það sama og fjórtán kexpakkar í Hagkaup“