Undanfarin þrjú ár hafa verið erfið fyrir loðdýrabændur. Verð á afurðum hefur farið lækkandi og framleiðslukostnaður hefur aukist. Þetta hefur í för með sér að fjárhagsstaða loðdýrabænda er slæm og þeir íhuga nú hvort þeir geti haldið rekstrinum áfram eða neyðist til að hætta. Það bætir ekki úr skák að verð á minkaskinnum lækkuðu enn í verði á síðasta uppboði ársins. Verðið hefur lækkað um 20 prósent frá síðasta ári.
Morgunblaðið skýrir frá þessu í dag. Fram kemur að Samband íslenskra loðdýrabænda hafi átt í viðræðum við stjórnvöld um hugsanlega aðstoð til að halda greininni gangandi. Haft er eftir Einari Eðvald Einarssyni, formanni Sambands íslenskra loðdýrabænda, að íslenskir loðdýrabændur séu með aðra eða þriðju bestu framleiðslu heims. Sú þekking og fjárfesting sem liggi í þessu glatist öll ef allt fer til verri vegar.
