Lögreglan í Vestmannaeyjum hafði í nægu að snúast í nótt en fimm aðilar gistu fangageymslur í bænum í nótt.
Maður var handtekinn í nótt fyrir að áreita konu kynferðislega. Vitni voru að atvikinu en maðurinn þuklaði á konunni þar sem hún var stödd á bílastæði í Herjólfsdal. Ekki liggur fyrir kæra í málinu að því er fram kemur í tilkynningu frá lögreglunni í Vestmannaeyjum.
Þá var ölvaður maður handtekinn eftir að hann réri bát út í höfnina. Maðurinn brást illa við afskiptum lögreglu. Nánar um verkefni lögreglunnar má sjá í Facebook færslu lögreglunnar hér að neðan.
https://www.facebook.com/permalink.php?story_fbid=1856133094456389&id=557625684307143