Fréttamiðillinn CNN birti í dag 17 mínútna heimildarmynd á YouTube um íslenska landsliðið og nefnist hún einfaldlega Strákarnir okkar (Our Boys): Iceland and the World Cup. Þar er meðal annars rætt við helstu meðlimi Tólfunnar, Guðna Th. Íslandsforseta og frænda landsliðsþjálfarans Heimis Hallgrímssonar.
Heimildarmyndina má sjá hér fyrir neðan.
Skömmu eftir birtingu fóru annars vegar mörg neikvæð ummæli að falla í garð myndarinnar, sum stórfurðuleg og eflaust mörg frá svonefndum nettröllum.
Kathy nokkur líkir Íslandi við Þriðja ríkið. „Ísland er mjög „Hitlerísk“ þjóð. Þeir eyða öllum börnum sem greinast með Downs […] Ég vona að Bandaríkin verði ekki eins og Ísland,“ skrifar Kathy.
Hér má nefna fáein dæmi:
„Þeir ná jafntefli við Argentínu og eru í kjölfarið taldir bestir, en fyndin hliðstæða“
„Það er næstum því 100% hvítt fólk á Íslandi og þeir eru með lægstu glæpatíðni heims.“
„Hver er eiginlega tilgangurinn með þessari heimildarmynd???“
„Reynið endilega að gera færri fréttir um lönd og íþróttir sem alvöru Bandaríkjamönnum þykir framandi.“
„Íslendingar ættu að halda sig við ísinn“
„Gerum Ísland aftur hvítt“ (e. Make Iceland white again!)
„Fótbolti er rusl íþrótt“
