Á fjórum árum greiddi Reykjavíkurborg 565 milljónir króna fyrir breytingar á fjórum götum í borginni en þessar breytingar voru mjög umdeildar á sínum tíma. Þetta kemur fram í svari umhverfis- og skipulagssviðs við fyrirspurn Vigdísar Hauksdóttur, borgarfulltrúa Miðflokksins.

Morgunblaðið skýrir frá þessu í dag. Vigdís lét bóka að útsvarsgreiðendur í borginni hefður þurft að greiða háar fjárhæðir fyrir breytingar á Hofsvallagötu, Birkimel, Borgartúni og Grensásvegi.

Í svari umhverfis- og skipulagssviðs kemur fram að 25 milljónir hafi kostað að breyta Hofsvallagötu. 55 til 60 milljónir hafi kosta að breyta Birkimel en þar er framkvæmdum enn ekki lokið. 280 milljónir kostaði að breyta Borgartúni og 200 milljónir fóru í Grensásveg.