Nítján ára karlmaður var dæmdur í gær í tveggja mánaða skilorðsbundið fangelsi, en hann var meðal annars sakaður um að hafa tekið bíl í óleyfi í Ármúla og ekið honum á ljósastaur í sömu götu. Játaði hann einnig að hafa í fimm mismunandi skipti brotið umferðarlög með því að aka undir áhrifum fíkniefna og að hafa í önnur þrjú skipti verið með minniháttar magn fíkniefna í fórum sínum.

Maður gekkst skýlaust við brotum sínum og hafði ekki áður verið dæmdur til að sæta refsingu samkvæmt sakavottorð. Einnig var horft til þess að ákærði var ungur að árum þegar hann framdi brotinn og að hann hafi viðurkennt bótaskyldu til eiganda bílsins, en hann skemmdist töluvert við áreksturinn á ljósastaurinn. Var þetta allt tekið honum til tekna við ákvörðun dómsins og varð því niðurstaðan að skilorðsbinda dóminn til tveggja ára.

Ákærða var einnig gert að greiða kostnað lögreglurannsóknarinnar, 654.365 krónur, og 280.000 krónur í laun til verjanda síns. Eigandi bílsins sem skemmdist gerði kröfu upp á 300.000 krónur en þar sem dæmdi viðurkenndi bótaskyldu sína þótti 150.000 krónur hæfileg upphæð.