Tap vefmiðilsins Kjarnans var 14,9 milljónir króna á síðasta ári samkvæmt nýbirtum ársreikningi rekstrarfélags miðilsins, Kjarninn miðlar ehf.
Frá þessu er greint í Markaðnum í dag. Árið áður var afkoma félagsins neikvæð um 16,7 milljónir króna.
Í lok árs 2016 voru heildareignir Kjarnans 18,5 milljónir króna en skuldir 6,8 milljónir. Þórður Snær Júlíusson er ritstjóri Kjarnans og á hann 12,2 prósenta hlut í félaginu. Meðal annarra stórra hluthafa eru Hjálmar Gíslason, sem jafnframt er stjórnarformaður, og Vilhjálmur Þorsteinsson fjárfestir.
