Ekkert hefur spurst til mannsins í um þrjár vikur
Talsverður viðbúnaður er í Elliðaárdalnum í kvöld vegna leitar að manni. Fjölmennt lið björgunarsveitarmanna hefur verið við leit þar.
Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, segir í samtali við fréttavef Vísis að ekkert hafi spurst til mannsins í þrjár vikur. Sagði hann að bifreið sem maðurinn hafði til umráða hefði fundist á svæðinu og því væri leitað þar.
Í samtali við DV sagði Ásgeir að lögregla myndi ekki veita frekari upplýsingar um málið fyrr en á morgun.
