– Starfaði á Fréttablaðinu í tólf ár sem vaktstjóri og blaðamaður
Blaðamaðurinn fyrrverandi Óli Kristján Ármannsson hefur hafið störf sem ráðgjafi í almannatengslum og útgáfu hjá KOM ráðgjöf. Síðustu tólf ár hefur Óli Kristján starfað sem blaðamaður á Fréttablaðinu. Þar hefur Óli meðal annars sinnt vaktstjórn og verið í hópi leiðarahöfunda blaðsins síðustu ár, auk þess að sinna fréttaskrifum.
„Á Fréttablaðinu hélt Óli Kristján síðustu misseri utan um fréttir af vinnumarkaði, en skrifaði um árabil fréttir af viðskipta- og efnahagslífi og gegndi um tíma stöðu viðskiptaritstjóra blaðsins. Hann var jafnframt umsjónarmaður Markaðarins, fylgirits Fréttablaðsins um viðskipti og efnahagslíf,“ segir í tilkynningu
„Áður hefur Óli Kristján einnig starfað sem blaðamaður í innlendum fréttum á Morgunblaðinu og ritstýrt tímaritinu Tölvuheimi – PC World á Íslandi 2002 til 2004.Þá hefur Óli Kristján setið í stjórn Blaðamannafélags Íslands síðustu átta ár, þar af sem varaformaður frá 2013. Óli Kristján lauk námi í Hagnýtri fjölmiðlun frá Háskóla Íslands 2001 og sat árin 2006 og 2007 námskeið í rannsóknarblaðamennsku og ritstjórn í Háskólanum í Reykjavík. BA-námi í ensku frá Háskóla Íslands lauk Óli árið 1994. Óli Kristján býr á Selfossi með eiginkonu sinni Guðfinnu Gunnarsdóttur framhaldsskólakennara og börnum þeirra.“