Niðurstöður rannsóknar sem gerð var við Háskólann í Leipzig á síðasta ári benda til þess að elsta barnið í systkinahópnum hefur yfirleitt hæstu greindarvísitöluna. Nú hefur einnig komið fram að heilsufar elstu barna við fæðingu er verra heldur en hjá yngri systkinum þeirra og að árangur þeirra í skóla megi rekja til þess að þau fái meiri stuðning við námið heima fyrir, ekki af því að þau fæðist með hærri greindarvísitölu.

Þetta kemur fram á vef Telegraph en á ráðstefnu í Brighton á dögunum voru kynntar niðurstöður nýrrar rannsóknar sem gerð var á yfir milljón börnum í Danmörku á árunum milli 1981 og 2010. Benda niðurstöðurnar til þess að frumburðir fá, gróflega talið, einum hærra í einkunn en yngri systkini sín þegar komið er í 9. bekk. Á sama tíma eru þau undir í þyngd og hæð þegar miðað er við yngri systkinin auk þess sem höfuðstærðin er minni. Þá eru 55 til 73 prósent minni líkur eru á því yngri systkinin fæðist fyrir tímann.

Þá kom einnig í ljós að á fyrstu meðgöngu eru konur eru líklegri til að reykja tóbak, vinna úti og þurfa á aukinni læknisþjónustu að halda.

Niðurstöður benda einnig til þess að foreldrar eyði meiri tíma með elsta barninu heldur en yngri systkinum þegar þau koma í heiminn. Þeir hafa þá meiri tíma til að eyða með barninu við heimalærdóm og í leikjum. Þá kemur einnig fram í niðurstöðum að ljóst sé að þessar háu einkunnir elstu barnanna séu ekki tilkomnarvegna þess að þau standi líffræðilega betur að vígi heldur vegna þess að þau fá meiri stuðning og athygli heima fyrir.

Í grófum dráttum eru elsta systkinið líklegt til að áreiðanlegt, samviskusamt, skipulagt, varkárt,stjórnsamt og metnaðarfullt. Miðjubarnið er líklegt til að vera sáttasemjari sem leggur sig fram við gera öðrum til geðs, á auðvelt með að vinna í hóp og á stóran vinahóp. Miðjubarnið er einnig líklegra til að sýna uppreisnargirni. Á meðan er yngsta barnið líklegt til að vera uppátækjasamur og sjálfhverfur einstaklingur sem elskar að skemmta sér, á það til að stjórna öðrum og sækir í að fá athyglina samkvæmt grein Telegraph