Tónlistarmaðurinn og leikarinn Justin Timberlake hefur beðið eiginkonu sína, Jessicu Biel, afsökunar á hegðun sinni á dögunum. Myndir náðust af Timberlake þar sem hann hélt í hönd leikkonunnar Alishu Wainright á bar í New Orleans.
Svo virtist vera sem eitthvað væri á milli Timberlake og Wainright en þau voru saman í tökum fyrir myndina Palmer sem sýnd verður á næsta ári.
Í yfirlýsingu Timberlake segist hann hafa sýnt dómgreindarleysi umrætt kvöld, hann hafi drukkið of mikið og verið mjög ölvaður. „Þetta er ekki fordæmið sem ég vill setja fyrir son minn. Ég bið stórkostlegu eiginkonu mína afsökunar og fjölskylduna mína einnig. Ég er einbeittur á að vera besti eiginmaður og faðir eins og get,“ sagði Timberlake.
Timberlake tók þó fram að ekkert hafi gerst á milli hans og Alishu.
Justin Timberlake og Jessica Biel gengu í hjónaband árið 2012 og eiga saman soninn Silas sem er fjögurra ára.