Snilldarráð móður gengur eins og eldur í sinu um netheima. Dóttir Melissu Conlon, Elsie, er sex ára. Hún þjáðist af svo miklum aðskilnaðarkvíða að Melissa átti erfitt með að skilja hana grátandi eftir þegar hún fór með hana í skólann. En það breyttist allt þegar Melissa rakst á sniðugt „trikk“ á netinu. Nú hleypur Elsia brosandi til vina sinna þegar hún mætir í skólann.

Trikkið er að teikna hjarta inn í lófa barnsins sem það getur kreist til að fá „töfra knús“ frá ástvinum sínum.

Melissa sagði frá þessu á Facebook og þakkaði þeim sem fann upp trikkið innilega fyrir.

„Ég teiknaði eitt hjarta í minn lófa og annað í hennar. Við gengum saman í skólann og héldumst í hendur til að „hlaða“ hjörtun og alla leiðina spurði hún hvort þau væru hlaðin. Þegar við vorum komnar í skólann sagði ég þeim að hjörtun væru fullhlaðin og hún ætti að ýta á það í hvert skipti sem hún saknaði mín og ég myndi gefa henni töfra knús. Hún fór inn með engin tár, bara kyssti mig og brosti,“ skrifar Melissa.

„Eftir skólann spurði hún mig hversu oft ég ýtti á hjartað mitt í dag, og ég sagði tíu sinnum! Hún brosti og sagði það sama og ég.“

Sniðugt ráð! Hefur einhver lesenda prófað þetta?