fbpx
Fimmtudagur 24.september 2020

Matthías Olsen 8 ára ætlar að hlaupa fyrir kisurnar: „Hann er með hjarta úr svo miklu gulli“

Guðrún Ósk Guðjónsdóttir
Fimmtudaginn 22. ágúst 2019 19:30

Matthías Olsen og móðir hans Margrét Sif.

Ekki missa af Helstu tíðindum dagsins í pósthólfið þitt

Lesa nánar

Matthías Olsen Elíson er átta ára fótboltakappi og mikill kisuvinur. Hann ætlar að hlaupa til styrktar Villikatta í Reykjavíkurmaraþoninu.

„Matthías ætlaði ekki að hlaupa en þegar hann vissi að hann gæti hlaupið fyrir kisurnar fór hann beint út að æfa sig,“ segir Margrét Sif Sigurðardóttir, móðir hans.

Margrét Sif er í félagi Villikatta. „Við treystum aðeins á styrki til að sinna þessu fallega starfi. Því miður hefur söfnunin þetta árið aðeins fært okkur helming af því sem við náðum í fyrra og þetta skiptir mjög miklu máli þar sem lækniskostnaður fór yfir sjö milljónir í fyrra,“ segir Margrét.

Matthías Olsen og kötturinn Sebastían.

Með hjarta úr gulli

Matthías Olsen á köttinn Sebastían sem fannst yfirgefinn með systkinum sínum í hlöðu, ísköld og nær dauða en lífi.  Villikettir tóku þau að sér, komu þeim í læknishendur og fundu ástrík heimili handa þeim. Sebastían fór heim til Margrétar og Matthíasar.

Margrét segir Matthías vera mikinn dýravin og mikill vinur allra yfir höfuð.

„Hann er með hjarta úr svo miklu gulli. Þegar við vorum úti á Spáni tók hann til dæmis að sér heimilislausan mann því hann sá að hann væri fatlaður. Við fengum sjálf ekki að fara að borða fyrr en við vorum búin að fara og gefa manninum mat. Matthías gaf honum hluta af sínum eigin vasapening á hverjum degi,“ segir Margrét Sif.

Matthías er fótboltakappi og dýravinur.

Reykjarvíkurmaraþonið

Matthías Olsen ætlar að hlaupa fyrir kisurnar á laugardaginn og það er hægt að heita á hann hér.

„Þessi söfnun skiptir svo miklu máli svo að kisur eins og Sebastían geti komist til góðrar heilsu og fundið sitt framtíðarheimili,“ segir Margrét Sif.

„Bara þúsund krónur gera mikinn mun!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 13 klukkutímum

Vildi ekki sjá blóðugar myndir af vettvangi brots síns

Vildi ekki sjá blóðugar myndir af vettvangi brots síns
433Sport
Fyrir 13 klukkutímum

Seltirningur í rusli eftir að hafa misst stjórn á sér í beinni útsendingu – „Ertu moron?“

Seltirningur í rusli eftir að hafa misst stjórn á sér í beinni útsendingu – „Ertu moron?“
Eyjan
Fyrir 15 klukkutímum

Ragnar Þór vill að Guðrún Hafsteinsdóttir verði sett af og segir að Fréttablaðið sé í herferð gegn sér

Ragnar Þór vill að Guðrún Hafsteinsdóttir verði sett af og segir að Fréttablaðið sé í herferð gegn sér
433Sport
Fyrir 15 klukkutímum

Tár í augum Suarez þegar hann yfirgaf æfingasvæði Börsunga í dag

Tár í augum Suarez þegar hann yfirgaf æfingasvæði Börsunga í dag