Hvers konar manneskja heldur upp á afmælið sitt með því að bjóða fólki að stíga á svið til að henda gaman að sér? Jú, manneskja eins og Bylgja Babýlons, uppistandari og ofurkona sem verður þrítug um helgina. Í tilefni afmælisins hefur hún boðið til viðburðar á Húrra!, en viðburðinn kallar hún Þrítugs-Róst Bylgju Babýlons. Þar munu helstu grínarar landsins stíga á svið og gera grín að Bylgju í tilefni dagsins. Í lýsingu á viðburðinum stendur:
Ég verð þrjátíu ára gömul í maí og af því tilefni er róst og partý á Húrra. Róst er svona eins og grill nema í ofni og partý er svona djamm.
Blaðakona: Ertu ekkert kvíðin?
Bylgja: Jú smá haha…
Blaðakona: Hvað ertu að vona að komi ekki upp? (já ég er með þig í viðtali)
Bylgja: Ég ætla ekki að segja hvað ég vona að komi ekki upp því grínararnir sem koma fram gætu lesið þetta og minnast þá pottþétt á það. (flott að setja svona „we’re on the record“ aðvörun í sviga hahaha)
Blaðakona (minnug athugasemda Bylgju við áberandi afmælisboð nýverið): Fékkstu Tinnu Alavis til að stílisera boðið? Eða er það kannski bara svolítið í hennar anda?
Bylgja: Ég klikkaði á að heyra í Tinnu sem var algert klúður en Jono og Snjólaug ætla að mæta fyrr með mér og við ætlum að gera eitthvað svakalegt við þennan sal. Innrétta hann úr partýbúðinni. Þau eru nátturlega bæði miklar smekkmanneskjur. Tinna veitti mér auðvitað innblásturinn eins og þekkt er orðið. En þetta verður hrikalega gaman og Jono og Snjólaug eru líka að fara að rósta hvort annað þannig að það verður xanax á línuna!
Blaðakona: Ókei frábært
Bylgja: Já Tinna er með þetta og það væri gaman ef hún kæmi og gæfi okkur kannski punkta eftir á um hvað betur mætti fara og svona.
Blaðakona: Ertu með þessu að senda ákall til Tinnu Alavis?
Bylgja: Nei nei, en henni er að sjálfsögðu boðið eins og landsmönnum öllum eins og þeir leggja sig!
Blaðakona: Oh svo fallegt! Þjóðin í afmæli Bylgju. Verður bein útsending á Facebook?
Bylgja: Hahaha, já komið öll og komið með pakka! En þetta með facebook er góð hugmynd. Ég er ekki mjög góð í að plana hlutina.
Blaðakona: Er erfitt að plana afmæli fyrir konu með adhd?
Bylgja: Það er erfitt að muna að maður eigi afmæli með adhd. Svo fékk ég Snjólaugu til að vera kynnir og hún man stundum ekki hvað hún heitir þannig að þetta verður eitthvað stórkostlegt.
Blaðakona: Hahahah. Ertu viss um að þú verðir þrítug?
Bylgja: Mamma allavega spurði hvað ég vildi í þrítugsafmælisgjöf.
Blaðakona: Ókei það er merki. Nokkuð öruggt.
Bylgja: Já hún mamma er yfireitt með svona lagað á hreinu.
Blaðakona: Oh mömmur eru svo solid!
Allir landsmenn eru sem sagt velkomnir í afmæli Bylgju á skemmtistaðnum (ekki fatabúðinni) Húrra á laugardagskvöldið. Hér er viðburðurinn á facebook!
