Næsta mynd Liam Neeson, The Commuter, kemur í kvikmyndahús í byrjun árs 2018. Myndin er samkvæmt heimildum hasarmynd í B-klassa. Verður þetta líklega í síðasta sinn sem við sjáum Neeson nota sérstaka hæfileika sína til að leika miðaldra mann sem þarf að berja mann og annan til að bjarga fjölskyldu sinni, því Neeson hefur gefið út að dagar hans sem slagsmálahetju séu taldir.

Í viðtali á Toronto kvikmyndahátíðinni í september gaf Neeson það út opinberlega að hann væri hættur að leika í hasarmyndum.

„Það er ennþá verið að bjóða mér haar fjárhæðir fyrir að leika í slíkum myndum sagði hann á blaðamannafundi fyrir mynd sína, Mark Felt: The Man Who Brought Down thee White House, sem fjallar um heimildarmann Watergate hneykslisins. „Ég var bara, „Hei ég er 65 ára. Áhorfendur fara að segja þegar þeir sjá mig í slíku hlutverki: Nei hættu nú!“

Og jú, 65 ára er full hár aldur fyrir hasarhetju, en samt ekki. Arnold Schwarzenegger verður orðinn 70 ára þegar hann leikur vélmenni í næstu Terminator mynd og sumir leikarana í næstu The Expendables verða komnir á ellilífeyrisaldur. Harrison Ford, sem er orðinn 75 ára og áratug eldri en Neeson, er enn að leika af fullum krafti í myndum á borð við Blade Runner: 2049, fimmtu myndinni um Indiana Jones sem kemur út 2020 og fleiri myndum.

En ákvörðun Neeson tengist ekki eingöngu aldri hans. Hann varð fyrst þekktur fyrir leik í dramamyndum á borð við Schindler´s List, Michael Collins og Les Misérables. Aðkoma hans að hasarmyndum var í raun fyrir slysni. Og nú virðist sem hann ætli aftur að breyta um stefnu.

The Commuter og Hard Powder, önnur hasarmynd, sem er á leiðinni með Neeson í aðalhlutverki þar sem hann leikur snjómokstursmann sem lendir upp á kant við dópsala koma báðar í sýningar árið 2018.

Það er ekki alveg ljóst hvort að Neeson telur Star Wars myndirnar sem hasarmyndir eður ei og því kannski líklegt að við sjáum hann bregða sér aftur í hlutverk Jedi riddara í þeim myndum.