Leikstjórinn Baltasar Kormákur sat fyrir svörum nýlega hjá Hot Corn þar sem hann upplýsti lesendur um hverjar hans uppáhalds kvikmyndir eru.

Hver er fyrsta myndin sem þú hreifst af?
„Ég held að það sé Come and See. Eða líklega Chitty Chitty Bang Bang. Nei til að svara af alvöru þá er það hin rússneska Come and See. Ég gjörsamlega fell fyrir henni þegar ég sá hana tvítugur.“

Hvaða mynd verður þú aldrei leiður á?
„Myndabálkurinn um Guðföðurinn, ég get horft á þær aftur og aftur. Það er frekar augljóst svar. Ég elska The Witness, ein af þeim myndum sem mér líkar við. Missisippi Burning er önnur. Svona myndir elska ég að horfa á aftur og aftur.“

Hvaða kvikmyndatónlist er í uppáhaldi?
„Nil By Mouth. Mér fannst hún mjög góð. Veistu hver gerði hana? Eric Clapton. Hann kemur reglulega til Íslands til að veiða. Þetta er frábær tónlist.“

Sakbitin sæla?
„Það myndi vera About a Boy. Ég græt eins og gömul kona þegar Hugh Grant kemur í mynd.“

Hvaða sena fær þig til að gráta í hvert sinn?
Þessi sena úr About a Boy. Sama svar og við fyrri spurningu.