Ferðalangurinn Kira dvaldi á Íslandi í heila viku í febrúar 2020. Hún segir farir sínar ekki sléttar af íslenskum karlmönnum. Hún fór á sex stefnumót með fjórum íslenskum karlmönnum sem hún kynntist á Tinder.

Hún segir þetta hafa verið rappari, mannvinur, markaðstjóri og kennari. Hún segir þá alla hafa verið „hot mess“ fyrir utan einn þeirra, markaðsstjórann. Henni líkaði virkilega vel við hann.

„Eitt af því sem þú þarft að vita um íslenska karlmenn er að þeir eru hrottalega hreinskilnir, getur þú höndlað hreinskilni þeirra er spurningin. Kannski geturðu það eða ekki,“ segir hún.

https://www.instagram.com/p/B9-H8zCBb11/

Of mikið af upplýsingum

Kira byrjar að segja frá stefnumóti sínu með kennaranum. Hún segir hann hafa sagt sér lífsævisögu sína, hvernig hann hafi farið í meðferð og kynnst þar fyrrverandi kærustu sinni sem væri enn í rugli.

„Hann sagði að fyrrverandi kærasta sín hafi stungið sig og lungað hann hafi fallið saman. Hann fór á spítalann og hún í fangelsi, þetta var bara of mikið að heyra á fyrsta stefnumóti,“ segir hún.

Kira segir frá því að tveir íslenskir karlmenn hefðu reynt að fá hana á rúntinn um Reykjavík. „Ég þekki ykkur ekki, ég ætla ekki að setjast upp í bíl með ókunnugum karlmanni,“ segir hún og birtir skjáskot á milli sín og karlmanns sem má sjá hér að neðan.

Kira segir svo frá náunganum sem „hélt henni gíslingu inn í bíl“ til að tala um afsláttarmiða á Subway. Hún segir manninn hafa verið mjög vingjarnlegan og samskipti þeirra góð þar til hann fór að tala um fjárhag sinn og að hann þyrfti að lýsa yfir gjaldþroti. Hann bað hana síðan um að borga bensín.

„Ha? Í fyrsta lagi spyrðu konu ekki á fyrsta stefnumóti að borga fyrir bensín. Hvað erum við eiginlega að gera hér,“ segir hún.

Hún segir líka að hann hafi haft kjark til að spyrja hvort hann mætti sjá hana án hárkollunnar.

Þú getur hlustað á sögur Kiru af íslensku karlmönnunum hér að neðan.

https://www.youtube.com/watch?v=W3-Pr5IfM1c&fbclid=IwAR1HMz_iFFUc_7kK4ZDgyjbABHAkGHJtCkQQalKSDfUHWymEXZgRWYkGH6k