Söngvarinn Auðunn Lútersson er óumdeilanlega heitasti tónlistarmaður landsins en hann tilkynnti nýverið um fyrirhugaða tónleika sem hann hyggst halda til styrktar UN Women. Tónleikarnir fara fram í Hannesarholti þann 25. nóvember og mun allur ágóði þeirra renna til málefnisins.
Auðunn, sem kemur fram undir listamannsnafninu Auður, segist bæði stoltur og glaður að geta gefið vinnuna sína.
„Ég trúi að ekkert beri ríkulegri ávöxt á félagslegu og efnahagslegu ástandi þróunarlanda en valdefling kvenna. Aukin þátttaka kvenna í stjórnmálum, efnahagslegt sjálfstæði, aðgengi að menntun og afnám ofbeldis eru no brainer lausnir sem hjálpa samfélaginu í heild. Um er að ræða málstað sem er mér mjög nærri. Ég starfaði 3 sumur fyrir UN Women auk þess að fá að vinna sem sjálfboðaliði í nokkrum góðum verkefnum. Sem strákur í þjóðfélagi sem stendur framarlega í jafnréttismálum lít ég svo á að það sé nauðsynlegt að leggja mitt af mörkum. Ég er ekki gallalaus og er enn að læra að verða betri femínisti í mínu daglega lífi. Nú þegar það er eitt ár liðið síðan ég gaf út plötuna mína Afsakanir vil ég nýta tilefnið til að gefa til baka,“ skrifar hann á Instagram-reikning sinn.
https://www.instagram.com/p/B5FxY7aA7By/
