Síðastliðinn mánudaginn sagði fyrrum kryddpían, Mel B, fyrir dómi að eiginmaður hennar, Stephen Belafonte, hefði barnað barnfóstruna þeirra og síðar borgað henni háa upphæð fyrir að fara í fóstureyðingu. Þá segir Mel B að Stephen hefði sofið hjá barnfóstrunni í þau 7 ár sem hún vann fyrir hjónin.

Mel B, sem stendur þessa dagana í skilnaði við Stephen segir að hann hafi brjálast þegar hún rak barnfóstruna, sem heitir Lorraine, árið 2015. Mel mætti í dómsal síðastliðinn mánudag þar sem hún hafði óskað eftir að fá nálgunarbann á Stephen.

Þá sagði Mel í dómssalnum. „Hann niðurlægði mig oft fyrir framan Lorraine með því að bera okkur saman og segja hversu falleg og ung hún væri, en ekki ég.“ Hún kveðst ekki hafa vitað af meintu sambandi eiginmannsins við barnsfóstruna fyrr en nokkrum árum eftir að það hófst.

Mel sagði jafnframt í dómsal að Stephen hefði sagt sér að Lorraine væri ófrísk árið 2014. Í fyrstu hafi hann viljað eiga barnið en að lokum fór Lorraine í fóstureyðingu. Þá segir Mel að Stephen hefði neytt hana til að stunda kynlíf með barnfóstrunni og honum.
Ekkert hefur heyrst frá barnfóstrunni eftir að Mel B sagði frá meintu sambandi þeirra en systir hennar tjáði sig við bandaríska slúðurmiðla í gærkvöldi og segir ekkert hæft í þessum ásökunum