Tónlistarkonan og samfélagsmiðladrottningin Þórunn Antonía Magnúsdóttir hefur ákveðið að horfast í augu við fordóma sína og byrja að stunda líkamsrækt og gerast íþróttakona á þessu ári.

Frá þessu greindi hún í Facebook-hópnum Beauty Tips. Hingað til hefur Þórunn gert jógaæfingar á stofugólfinu heima hjá sér. Þá spyr hún meðlimi hvar hún geti keypt íþróttafatnað sem ekki sé merktur lógóum í bak og fyrir alsettur neonröndum.

Svo virðist sem Þórunn hafi smitast af íþróttaæðinu sem hefur tröllriðið samfélagsmiðlum í vikunni en það er engu líkara en þorri Facebook-notenda ætli að taka mataræðið föstum tökum sem og að mæta í ræktina á árinu.