Flest höfum við hugsað um hvernig það væri að eiga annað líf. Það er gaman að láta hugann reika og velta því fyrir sér hvernig lífið gæti verið öðruvísi.

Bryndís Ásmundsdóttir er leikkona og söngkona í þessu lífi. Hún á þrjú börn og á fallegt heimili í Hafnarfirði. Bryndís er einhleyp og kunnugir segja að hún sé göldróttí eldhúsinu. Hún hefur undanfarin ár heiðrað söngdívur eins og Janis Joplin, TInu Turner og Amy Winehouse, og hjá mörgum

Ef Bryndís ætti annað líf væri það einhvern veginn svona:

„Ég er sálfræðingur, nuddari, söngþerapisti og leikstjóri. Ég rek ótrúlega huggulega sálfræði og nuddstofu á góðum stað í Reykjavík. Ég á mann sem ég er mjög skotin í og það er sannarlega gagnkvæmt. Við eigum veitingastaði um allan heim – ansi stóra keðju – og ég sé um að gæta þess að þjónustan sé í lagi. Þess vegna þarf ég talsvert að ferðast um heiminn, meðal annars til Barcelona, New York, Parísar, Rómar og Kaupmannahafnar. Við eigum þrjú heimili, tvö á Íslandi og eina gasalega huggulega íbúð í Barcelona. Maðurinn minn er eðalkokkur og sjúklega góður nuddari eins og ég.“