Söngkonan og lagahöfundurinn Adele hefur notið gífurlegra vinsælda frá því hún kom fyrst fram á sjónarsviðið með sína kraftmiklu og fallegu rödd. Hún er orðin ein vinsælasta söngkona fyrr og síðar, þrátt fyrir að vera ekki orðin þrítug. Uppselt er á tónleika með henni marga mánuði fram í tímann og plöturnar seljast í bílförmum. Þrátt fyrir frægðina er hún einstaklega alþýðleg, hefur húmor fyrir sjálfri sér og spáir lítið í það hvað öðrum finnst um hana. Hér eru nokkur dæmi um það sem söngkonan geðþekka hefur áorkað í gegnum tíðina, bæði í starfi og einkalífi.

Topp 10
Hún er fyrsta söngkona sögunnar til að vera með þrjár smáskífur á topp tíu lista Billboard Hot 100.

Þrjár milljónir
Fyrsti listamaðurinn í sögunni til að selja yfir þrjár milljónir eintaka af plötu á einu ári í Bretlandi.

Nýjasta platan Plötur Adele seljast í bílförmum og uppselt er á tónleika marga mánuði fram í tímann.

Mynd: EPA

26 milljónir
Seld hafa verið fleiri en 26 milljónir eintök af annarri plötu hennar, 21.

Skyfall sló í gegn**

Hún fékk bæði Golden Globe-verðlaunin og Óskarinn fyrir lagið Skyfall, sem er titillag samnefndrar Bond-myndar og þykir eitt besta Bond-lag sögunnar.

Áhrifamikil
Adele hefur komist á lista Time Magazine yfir áhrifamestu einstaklinga heims.

Smáskífa og breiðskífa
Fyrsti núlifandi listamaðurinn til að afreka að vera á sama tíma inni á topp 5 smáskífulistanum og breiðskífulistanum í Bretlandi, síðan Bítlunum tókst það árið 1964.

Vaxmynd Búið er að gera vaxmynd af söngkonunni.

Mynd: EPA

16 ára
Adele skrifaði undir sinn fyrsta plötusamning aðeins 16 ára eftir að vinkona hennar hafði birt myndband af henni að syngja á samfélagsmiðlinum Myspace.

Vogue
Henni hefur tekist að vera á forsíðu bæði breska og bandaríska tískutímaritsins Vogue, án þess að vera í fatastærð 0.

Vaxmynd
Það er búið að gera af henni vaxmynd á Madame Tussauds-vaxmyndasafninu í London.

Með Óskarinn Adele fékk bæði Óskarinn og Golden Globe-verðlaunin fyrir Bond-lagið Skyfall, úr samnefndri mynd.

Mynd: EPA

Sló metið
Árið 2012 fór hún heim af Grammy-verðlaunahátíðinni með sex verðlaun, þar á meðal verðlaun fyrir bestu plötuna. Með því náði hún að jafna fjölda verðlauna sem kvenkyns listamaður hafði unnið á hátíðinni.

Grennir sig ekki
Hún hefur engan áhuga á því að grenna sig niður í stærð 0, líkt og mörgum konum þykir eftirsóknarvert. „Ég myndi aðeins grenna mig ef ég þyrfti þess af heilsufarslegum ástæðum eða til að bæta kynlífið. Ég þarf hvorugt,“ lét Adele eitt sinn hafa eftir sér.

Selur ekki soninn
Hún hefur ekki áhuga á að selja blöðum eða tímaritum myndir af syni sínum, líkt og þykir vinsælt í bransanum.

6 Grammy verðlaun Adele jafnaði gamalt met þegar hún gekk burt með sex verðlaun af Grammy verðlaunahátíðinni árið 2012.

Mynd: EPA