Rapparinn Kanye West hefur hegðað sér afar einkennilega á samfélagsmiðlinum Twitter um síðustu misseri og í gær leit út fyrir að rapparinn, og eiginmaður Kim Kardashian, væri hreinlega að fá taugaáfall.

Í gær birti hann fjölmargar og undarlegar færslur á nokkrum klukkustundum. Í fyrstu færslunni spurði hann Mark Zuckerberg, stofnanda Facebook, hvort að hann gæti fjárfest í Kanye West hugmyndum fyrir einn milljarð dollara.

Mark Zuckerberg invest 1 billion dollars into Kanye West ideas

— KANYE WEST (@kanyewest) February 14, 2016

//platform.twitter.com/widgets.js

„Mark Zuckerberg, ég veit að þú átt afmæli en gætir þú vinsamlegast hringt í mig á morgun,“ sagði West í annarri færslu og svo síðar:

„Mark, ég er opinberlega að biðja þig um aðstoð.“

Kanye sagðist meðal annars skulda 53 milljónir dollara og að hann væri besti listamaður heims, en hann gæti ekki stundað list sína eins og hann myndi kjósa því hann ætti ekki peninga til þess.

„Ég er Disney þessarar kynslóðar.“

I’m this generation's Disney… I want to bring dope shit to the world…

— KANYE WEST (@kanyewest) February 15, 2016

//platform.twitter.com/widgets.js

Þá bað hann alla aðdáendur sína að ná í smáforritið Tidal, svo að þeir gætu hlustað ná nýja plötu sem hann er að gefa út.

Í næstsíðustu færslunni sagði West svo geta sannað hann væri raunverulega að skrifa færslurnar en fjölmargir veltu fyrir sér hvort að nettröll hefðu tekið yfir Twitter-aðgang West.

„Og já það eru stafsetningarvillur í þessum færslum. Þannig vitið þið að þetta er ég.“

West hefur á síðustu vikum birt ansi vafasamar færslur. Sem dæmi sagði hann að íþróttaframleiðandinn Puma hefði hreinlega verið að kasta peningum á glæ með því að bjóða mágkonu hans samning og sagði að leikarinn Bill Cosby, sem margsinnis hefur verið sakaður um naugðun, væri saklaus.