Hinn finnski Antton Puontu gerði jólalagið HappyXmas (War Is Over) svo sannarlega að sínu í lokaþætti finnsku útgáfu raunveruleikaþáttarins Got Talent í gærkvöldi.

Lagið sem er upphaflega samið og flutt af John Lennon sló svo sannarlega í gegn hjá finnsku þjóðinni en það að prumpa lagið (með undirleik) nægði Anttoni til að sigra keppnina.

Atriðið tókst svo vel að dómararnir sem og áhorfendur í sal voru grétu úr hlátri.

Antton hefur frá unga aldri leikið sér að því að gera hljóð með því að láta hendurnar á sér framkalla prumphljóð.

[youtube https://www.youtube.com/watch?v=HA_rxemmR48&w=560&h=315]

Áhugamálið hefur sannarlega skilað sínu. Auk þess sem hann er nú orðinn heimsþekktur fyrir þennan óvenjulega hæfileika fékk Antton 30 þúsund evrur að launum fyrir sigurinn en það eru um það bil 35 milljónir ISK.

Milljónir netverja hafa horft á myndbandið frá því að það birtist og ekki að ástæðulausu. Það er algjörlega stórkostlegt.