Sérð þú eitthvað athugavert við myndirnar?
Fæstir sáu nokkuð athugavert við Instagram aðgang Louise Delage sem leit út fyrir að lífsins í botn við hinar ýmsu aðstæður. Þar á meðal setti hún myndir af sér á Instagram með kokteil í hönd um borð í lúxus snekkju, á fínum veitingastöðum og sötrandi kampavín í baði.
Louise, sem er 25 ára og býr í París, varð svo vinsæl á Instagram að á aðeins nokkrum vikum var hún komin með 50 þúsund fylgjendur.
Líkt og margar stjörnur á samfélagsmiðlinum þá rigndu yfir hana skilaboðum á borð við,
„Þú ert svo falleg, ég vildi að ég væri meira eins og þú, og svo framvegis.“
Louise birtist fyrst á samfélagsmiðlinum þann 1 ágúst síðastliðinn en þann 30 september birti hún stutt myndband á Instagram þar sem allar myndirnar sem hún hafði sett á síðuna vikurnar á undan birtust í stuttri yfirferð.
Á myndunum sést glögglega að þær eiga allar eitt sameiginlegt. Lousie heldur á áfengum drykk á hverri einustu mynd.
Þá kom jafnframt í ljós eftir að myndbandið birtist að aðgangur Louise var ekkert venjulegur aðgangur hún sjálf birtist sömuleiðis undir fölsku flaggi. En Louise Delage er ekki til í raunveruleikanum.
Instagram stjarnan Louise er leikin af frönskum háskólanema en karakterinn varð til á auglýsingastofu. Instagram aðgangurinn er hluti af auglýsingaherferðinni Addict Aide og er ætlað að vekja fólk til umhugsunar um hvað það er auðvelt að horfa framhjá fíkn ástvina okkar.
[youtube https://www.youtube.com/watch?v=ecRheslTlwE&w=640&h=360]
Framkvæmdastjóri auglýsingastofunnar, Stéphane Xiberras, segir að það sé mjög algengt að nánustu aðstandendur fíkla og þeirra sem eiga við áfengisvandamál að stríða komi af fjöllum þegar viðkomandi byrjar að leita sér aðstoðar. Því hafi herferðin fengið gríðarlega mikil og jákvæð viðbrögð.
