„Svona áföll eyðileggja allt. Það er ekki bara einstaklingurinn sem deyr sem hverfur heldur fer öll fjölskyldan í klessu og ég tala ekki um þegar um svona ofbeldisglæp er að ræða. Þetta eyðilagði okkar fjölskyldu. Eitt líf tengist mörgum öðrum lífum, fjölskylduhópum og vinum. Þetta hefur svo víðtæk áhrif.

Systur Ragnheiður var sjö ára þegar Áslaug Perla fæddist.

Mynd: Úr einkasafni

Fyrst á eftir var maður í einhverri leiðslu. Það tekst ekki öllum að komast í gegnum svona og mömmu reyndist það ofviða að missa barnið sitt. Mér tókst að skríða í gang en mamma hefði þurft á hjálp að halda til að halda áfram en hún fékk ekki mikla hjálp.“

Áslaug Perla Kristjónsdóttir lést árið 2000 þegar henni var hrint niður af svölum blokkar í Engjahjalla. Systir hennar, Ragnheiður M. Kristjónsdóttir, segir fjölskylduna ekki hafa jafnað sig eftir missinn. Indíana Ása Hreinsdóttir ræddi við Ragnheiði um Áslaugu Perlu, daginn örlagaríka, fyrirgefninguna, ástina og sorgina eftir því sem hefði getað orðið.