Hún sagði já!
Íslendingur bað unnustu sinnar á Stade de France hér rétt í þessu. Um var að ræða upphitunaratriði vallarþula og áhorfenda þar sem myndavélinni er beint að áhorfendum og þeir hvattir til að kyssast. Íslenskur herramaður bætti um betur og fór á skeljarnar, eins og sagt er.
Þetta vakti upp mikla kátínu viðstaddra en af viðbrögðunum að dæma svaraði stúlkan játandi. Þau féllust í faðma og þurran vanga er vart að finna í stúkunni. Virkilega falleg stund.
