Hún óskaði eftir aðstoð í Facebook-hópnum Family Lockdown Tips and Idea. News.au greinir frá.
„Ég þarf aðstoð, ég held að þetta sé brelluspurning. Hvernig útskýri ég þetta fyrir sex ára barni. Takk,“ skrifaði konan.
Spurningin hljómar svona: „Í þremur búrum, er minnsti fjöldi krossfiska fjórir og mesti fjöldi átján. Hversu margir gætu verið í miðjubúrinu? Sýndu tvo svarmöguleika.“
Spurningin virðist vera að kenna börnum hugtökin „minnst“ og „mest“ og svarið er afar einfalt: Einhverjir tveir tölustafir á bilinu 4 til 18.
Móðirin fékk nokkur góð svör og bendir einn netverji á að sex ára börn þurfa á sjá svona sjónrænt.
„Náðu í reglustiku, sýndu henni fjóra og átján og veljið tvær tölur þarna á milli,“ segir einn.
Annar netverji bendir henni á að nota pasta til að útskýra dæmið fyrir dóttur sinni.
