Brown lést í kjölfar eldsvoða sem kom upp í hlöðu við sveitasetur hans í Maryland í Bandaríkjunum á miðvikudag.
Dóttir leikarans greindi frá andlátinu, samkvæmt frétt TMZ, og segir hann hafa látist af völdum reykeitrunar.
Talið er að eldurinn hafi kviknað þegar Brown fór inn í hlöðuna til að gangsetja ökutæki með startköplum.
Eldur virðist hafa komið upp og er Brown sagður hafa kallað á fjölskyldumeðlim og beðið um að slökkvitæki yrði sótt.
Þegar hann sneri til baka var eldurinn búinn að dreifa úr sér og Brown hvergi sjáanlegur.
Brown fór með hlutverk lögreglumannsins Bobby Brown í The Wire og þá kom hann fram í fjölda annarra sjónvarpsþátta og kvikmynda, þar á meðal Law & Order: Special Victims Unit, The Corner, Veep og We Own This City.
Áður en Brown sneri sér að leiklist var hann atvinnumaður í hnefaleikum og vann hann til nokkurra verðlauna á því sviði.
