Sonur leikkonunnar Gwyneth Paltrow, Moses, er sagður vera niðurlægður eftir að hafa horft á kynlífssenur hennar og Timothée Chalamet í myndinni Marty Supreme.

„Ó, guð minn góður! Aumingja sonur minn,“ sagði Paltrow við Demi Moore, sem leiddi spurt og svarað þátt eftir sýningu myndarinnar í San Vicente Bungalows í Santa Monica í Kaliforníu á föstudaginn.

„Geturðu ímyndað þér þegar hann kom á frumsýninguna í Los Angeles? Hann vildi deyja,“ bætti hún við um 19 ára gamlan son sinn eftir að þau mættu saman á frumsýninguna í desember. Vikuna á eftir mættu þau á frumsýninguna í New York ásamt dóttur Paltrow, Apple.

Myndin, sem leikstýrt er af Josh Safdie, fylgir Marty Mauser (Chalamet), skósölumanni sem verður gagntekinn af að verða besti borðtennisleikari heims í New York borg á sjötta áratugnum. Paltrow leikur borðtenniskonu, sem hún lýsti áður sem „þessari konu sem er gift einhverjum sem er í borðtennismafíunni“ í viðtali við Vanity Fair í mars síðastliðnum. Hún lét einnig í ljós að hún og Chalamet, sem er þrítugur, „stunda mikið kynlíf í þessari mynd, það er mikið mikið.“

Paltrow lofsyngur frammistöðu Chalamet í myndinni og kallaði hann jafnvel „kyntákn með hugsun“. „Hann er bara mjög kurteis, rétt uppalinn, ég ætlaði að segja krakki … hann er maður sem tekur vinnuna sína mjög alvarlega og er skemmtilegur félagi,“ sagði hún.

Leikarnir nutu aðstoðar nándarráðgjafa fyrir kynlífssenurnar, sem Paltrow útskýrði að væri nýtt hugtak fyrir hana.

„Það er til eitthvað sem kallast nándarráðgjafii, sem ég vissi ekki að væri til,“ sagði hún og bætti við að þegar ráðgjafinn spurði hvort hún væri sátt við ákveðna hreyfingu, svaraði hún: „Ég er frá þeim tíma þegar maður er nakinn, fer upp í rúm og svo kveikt á myndavélinni.“

Chalamet fékk Critics Choice verðlaunin fyrir viku fyrir hlutverk sitt. Myndin hefur fengið fjölda annarra tilnefninga, meðal annars þrjár til Golden Globe sem fara fram í kvöld.