Eiginkona bandaríska geimfarans, Anne McClain, hefur verið dæmd til fangelsisvistar fyrir að halda því ranglega fram að McClain hafi notað tíma sinn í alþjóðlegu geimstöðinni (ISS) til þess að brjótast inn í netbanka hennar. Málið vakti nokkra athygli í ljósi þess að ef satt væri hefði það verið fyrsti glæpurinn sem framinn væri í stöðinni.

Svo reyndist þó ekki vera og eiginkonan fyrrverandi, Heather Worden, sem starfaði hjá bandaríska flughernum, játaði að hafa logið upp á McClain í nóvember síðastliðnum. Konurnar höfðu verið giftar á árunum 2015 til 2019 en þegar slitnaði upp úr sambandi þeirra, eftir að McClain hafði sakað Warden um heimilisofbeldi, gaus upp harkaleg forsjárdeila en saman áttu konurnar einn son saman.

Warden var að lokum dæmd í þriggja mánaða fangelsi fyrir að ljúga upp á McClain auk þess sem hún verður undir eftirliti í tvö ár. Þá þarf hún að greiða tæpar 26 milljónir króna í miskabætur og málskostnað.