Alaia Baldwin Aronow, systir Hailey Bieber og þar með mágkona Justin Bierber, á yfir höfði sér  fangelsisdóm fyrir meint aðild sína að slagsmálum á bar. Alaia hefur verið ákærð í fjórum liðum fyrir að slást af offorsi við þrjá starfsmenn inni á salerni staðarins.

Atvikið átti sér stað fyrir tæpum tveimur árum síðan á bar í Georgíu-fylki. Í ákærunni er Alaia sökuð um líkamsárás, tilraun til líkamsárásar, líkamsmeiðingu sem og skemmdarverk á eignum. Verði Alaia, sem er 33 ára gömul, sakfelld gæti hún átt yfir höfði sér 12 mánaða fangelsisdóm, sekt og einhverskonar samfélagsþjónustu.

Slagsmálunum var lýst þannig að Alaia á að hafa ráðist á þrjá starfsmenn á Club Elan í Savannah í brjálaðiskasti og kastað notuðum túrtappa í barþjón staðarins, rifið hár úr höfði annars starfsmanns og síðar sparkað í klof öryggisvarðar sem ætlaði að stilla til friðar.

Myndbandsupptökur eru til af atburðarásinni og því þykir líklegt að mágkonan þurfi fljótlega að gera sér það að góðu að dúsa í steininum um hríð.