Íslendingar gætu haldið að frægð tónlistarkonunnar Laufeyjar Lín sé orðin slík að hvert mannsbarn á jarðkringlunni þekki nafn hennar. Það er þó ekki svo. Reyndar hafa margir jarðarbúar átt í stökustu vandræðum með að bera fram nafnið, sem er kannski skiljanlegt. Laufey lenti þó sennilega í undarlegustu nafnauppákomunni hingað til á Golden Globe verðlaunahátíðinni í nótt.
„Ég heit ekki Megan, svo að ég veit ekki…“ heyrðist Laufey segja við ljósmyndara þegar hún var á rauða dreglinum í sláandi flottum appelsínugulum kjól. Virtist hún ekki geta annað en flissað að þessari uppákomu sem náðist á myndband og var birt á miðlinum Deadline.
Höfðu ljósmyndararnir sífellt kallað nafnið „Megan“ til Laufeyjar til þess að reyna að ná athygli hennar.
Fjölmargir aðdáendur brugðust við þessu á samfélagsmiðlum og virtust vorkenna Laufeyju.
„Það er svo sárt að horfa á þetta. Af hverju gerðu þeir geitinni minni þetta?“ spurði einn, en geit vísar of til þeirra bestu. Það er GOAT (Greatest Of All Time).
„Bíddu, Megan úr Katseye? Hún lítur svolítið eins og hún út,“ sagði annar. Það er hin ameríska söngkona Megan Skiendiel úr hljómsveitinni Katseye.
