Synir hennar og David Beckham, Brooklyn og Romeo, eru sagðir eiga í deilum vegna kærustu Romeo, Kim Turnbull.
Í kjölfarið hafi Brooklyn ákveðið að mæta ekki á viðburði með Romeo og Kim, og hafi þess vegna misst af fimmtugsafmæli föður síns og tískusýningu móður sinnar. En fjölskyldan er þekkt fyrir að vera samheldin og styðja hvert annað. Þetta er því alveg nýtt fyrir Victoriu og David sem eru sögð miður sín vegna málsins.
„Þetta er versta martröð Victoriu. Tilhugsunin um að börnin hennar talist ekki við heldur fyrir henni vöku,“ segir heimildarmaður News.com.au
Kim á að hafa átt í stuttu ástarsambandi með Brooklyn fyrir einhverjum árum síðan. En aðrir heimildarmenn segja ósættið ekkert tengjast afbrýðisemi heldur ástæðum Kim fyrir því að vera með enn öðrum Beckham syni.
Sjá einnig: Birti nektarmynd eftir að rifrildi við tengdamömmuna virðist hafa blossað upp á ný
Einnig er sagt að rígur á milli Victoriu og tengdadóttur hennar, Nicolu Peltz, spili þar inn í. Nicola og Brooklyn giftust árið 2022 og mætti segja að allt þetta drama hafi byrjað þá.
Sumarið 2022 voru háværar sögusagnir á kreiki um að kalt væri á milli Victoriu og Nicolu vegna þess að Nicola hafi neitað að klæðast brúðarkjól sem Victoria hannaði, en sagt er að Nicola hafi ætlað að gera það og síðan skipt um skoðun. Erlendir miðlar greindu frá því að þær „þola ekki hvor aðra og talast ekki við.“
Sjá einnig: Fjölskyldudramað nær nýjum hæðum – David Beckham lét Brooklyn heyra það
Þær hafa báðar vísað því alfarið á bug að þær hafi verið í stríði en aðdáendur eru ekki svo vissir. Það fór ekki framhjá netverjum að Brooklyn og Nicola óskuðu ekki Victoriu til hamingju með afmælið í apríl.
