Kristbjörg á fyrirtæki með eiginmanni sínum, knattspyrnumanninum Aroni Einari Gunnarssyni, og gefa þau út húðvörur undir nafninu AK Pure Skin.
Eins og þeir sem hafa staðið í rekstri vita þá er oft erfitt að „hætta“ í vinnunni og loka tölvunni, en Kristbjörg segir það mikilvægt að stoppa og njóta litlu sigranna.
„Ég sat í níu klukkutíma fyrir framan tölvuskjáinn í dag, eitthvað sem ég mæli alls ekki með en stundum er þetta bara svona. Eftir á fann ég fyrir þörf að fara út að hlaupa og hreyfa líkamann,“ segir Kristbjörg.
Hún segir að eftir daginn hafi henni liðið eins og hún hefði sigrað heiminn og brosti breitt.
„Þetta var góður dagur, stór dagur, það gekk vel í dag. En líka góð áminning að stoppa og njóta sigranna, meira að segja litlu sigranna.
Að reka fyrirtæki er eins og að vera um borð í rússíbana. Sumir dagar eru töfrum líkastir, aðrir eru eins og að þú sért að spretta upp brekku í stormi. En hvert einasta augnablik – bæði gott og slæmt – er hluti af ferðalaginu. Ferðalagi sem ég er óendanlega þakklát fyrir að vera hluti af með teyminu mínu. Ég veit ekki hvað morgundagurinn ber í skauti sér en ég held áfram að mæta.“
View this post on Instagram
