Framlag drengjanna í VÆB fyrir Söngvakeppni Sjónvarpsins í ár, „RÓA“, hefur vakið mikla athygli utan landsteina. Ísraelsmenn hafa verið háværir í athugasemdum á TikTok og segja lagið „stolið“ frá þeirra heimalandi. Gagnrýnendur segja lagið keimlíkt ísraelsku brúðkaupslagi.

Bræðurnir Matthías Davíð Matthíasson og Hálfdán Helgi Matthíasson skipa hljómsveitina VÆB og eru skráðir höfundar lagsins ásamt Inga Þór Garðarssyni. Þeir þrír eru einnig skráðir sem textahöfundar. Þeir hafa ekki svarað fyrirspurn DV um málið að svo stöddu.

TikTok-síðan Eurovision Flare birti brot úr „RÓA“ og hafa fjölmargir Ísraelsmenn skrifað athugasemd við myndbandið og sakað VÆB um að herma eftir frægu ísraelsku lagi, „Hatunat Hashana“ með Itay Levi og Eyal Golan.

„Ég veit að Ísland hatar Ísrael en að ganga svona langt að herma eftir ísraelsku lagi?“ sagði einn netverji.

„Hey, þetta er sama lagið,“ sagði annar.

„Þetta er frægt ísraelskt lag,“ sagði einn netverji og hafa tugi fleiri athugasemda sem segja það sama hafa verið ritaðar við myndabandið.

Hlustaðu á ísraelska lagið hér að neðan. Frá mínútu 00:31 vilja netverjar meina að lögin séu mjög lík.

Hlustaðu á RÓA hér að neðan.

Uppfærð frétt klukkan 10:50

Matthías Davíð Matthíasson svaraði fyrirspurn DV. Til að sjá svar hans, smelltu hér.